學校都做埋！Tap & Go攻年輕人市場

【支付混戰】學校都做埋！Tap & Go攻年輕人市場

金管局去年起批出兩輪儲值支付工具（SVF）牌照，計及銀行共發出16個牌照，市場競爭倏地白熱化；事隔一年，部分持牌商已發展出相對明晰的市場定位，殺出一條血路。香港電訊（6823）支付業務主管梁海儀接受本報訪問時表示，旗下拍住賞（Tap & Go）行本土路線，以港人為主要用家；兼且「夠年輕」，從初創企業甚至到18歲以下的學生，均為其主攻客戶群，「因為（帶動）新嘅經濟同behavior要由年輕做起。」

「帶動新嘅經濟同behavior要由年輕做起。」一句話，大抵可窺探出Tap & Go的發展方向，「年輕」正是要訣。梁海儀稱，改變生活習慣殊不易，電子錢包雖於內地發展一日千里，「但香港唔同，大部分人已習慣現有付款模式，所以有人批評（本港發展落後），但可能一做，就會leap forward（躍進）。」

梁海儀稱，Tap & Go除可支援MasterCard及Visa外，亦能顧及尚未有信用卡的未成年人士。年輕一族愈來愈喜愛網購，但未必人人均一卡在手，加上信用卡被盜用時有發生，Tap & Go這類電子錢包即可迎合這些人的需要。「我哋唔係micropayment，唔係講緊十蚊、廿蚊嘅交易；亦唔係信用卡講緊大額嘅交易，我哋啱啱係中間，又安全。」

她透露，用戶通常增值金額介乎數百元至數千元不等，「當然有人會上網買機票，嗰啲用萬幾蚊我都見到有。」一旦用戶試過覺得安全，下次就會再用。她笑言：「佢哋擺啲錢係（Tap & Go）度，通常一個禮拜就會使曬，名符其實真係一個錢包。」

近月Tap & Go亦嘗試開拓新市場，於學校試行電子付款，全港約50間學校由新學年起支援其電子支付服務。梁海儀稱，家長常常花很多時間處理校務收費，現時校方可經由應用程式通知家長收費項目及金額，家長即可在程式內用錢包付款。「啲帳目一目了然，校方都唔使上堂逐個對，減省行政程序。」她坦言，香港電訊原本已為不少學校提供網絡支援等服務，要與這些校方溝通合作相對容易，加上本地逾千間中小學，市場需求龐大。

雖然獲發牌照超過一年，但事實上，本港電子支付發展仍屬嶄新領域，金管局預計最快明年9月落實快速支付系統，大家都是「摸著石頭過河」。對於本港發展步伐，梁海儀兩次提出「按部就班」，理解本港監管嚴謹，需確保系統穩健才推陳出新。

她坦言，「新世代嘅諗法，好多時候都係trial and error」，產品推出後，收集客戶意見再分析、調整，「唔同以前咁諗曬、做曬research就大力推。」被問到是否滿意過去一年Tap & Go表現時，她頓了一頓，說：「我哋過去一年都不斷學習、聽客戶嘅意見、再微調，都滿意嘅。」

對於支付寶HK與長和（001）合作，Tap & Go是否迎來更大的挑戰？她欣然表示，自金管局發出多SVF牌照起，明顯有意鼓勵競爭，而該合作對市場有帶頭作用，「造就（電子支付）模式快啲普及，咁我哋都一定得益。」她亦相當憧憬未來市場發展，「我哋呢啲上個年代，一出糧就去ATM撳錢，拎去洗；嚟緊可能好快，一出糧就唔係ATM撳錢，而係電子錢包撳錢出嚟洗。」

記者：溫婉婷　卓茗